Arvadını güllələyən Saray sakininin məhkəməsi keçirilib
Bakı Ağır Cinayətlər Məhkəməsində qəsdən adam öldürməkdə ittiham olunan, Abşeron rayon sakini, 1967-ci il təvəllüdlü Seyran Tahirovun cinayət işi üzrə məhkəmə prosesi keçirilib. Lent.az-ın məlumatına görə, hakim Cavid Hüseynovun sədrliyi ilə keçirilən prosesdə, hal şahidləri ifadə veriblər.
Təqsirləndirilən şəxs isə özünü qismən təqsirli bilib. Məhkəmə prosesi oktyabrın 31-də davam etdiriləcək.
Qeyd edək ki, hadisə bu il aprelin 17-də Saray qəsəbəsi Sevil Qazıyeva küçəsində qeydə alınıb. Abşeron rayon sakini, 1967-ci il təvəllüdlü Seyran Malik oğlu Tahirov ailə münaqişəsi zəminində həyat yoldaşı, 1972-ci il təvəllüdlü Məhbubə Ramiz qızı Tahirzadəni gülləyib. M. Tahirzadə ağır bədən xəsarətləri ilə xəstəxanaya yerləşdirilib. Məhbubə Tahirzədənin həyatını xilas etmək mümkün olmayıb.