“KAMAZ”la "Jiquli" toqquşdu, bir nəfər öldü, ikisi yaralandı

Kürdəmir rayonu, Atakişili kəndində vətəndaşa məxsus "VAZ-2106" markalı minik avtomobilinin digər vətəndaşa məxsus "KAMAZ" markalı yük avtomobili ilə toqquşması nəticəsində yol qəza hadisəsi baş verib.  Fövqəladə Hallar Nazirliyindən "Olaylar"a verilən məlumata görə, nəticədə  "VAZ-2106" markalı minik avtomobilin sürücüsü ağır bədən xəsarətləri alaraq hadisə yerində vəfat edib. Minik avtomobilində olan iki sərnişin isə ağır  bədən xəsarətləri ilə yanğınsöndürən-xilasedicilər tərəfindən müxtəlif kəsici alətlərdən istifadə olunmaqla minik avtomobilindən çıxarılaraq təcili yardım xidmətinə təhvil verilib. Hadisə ilə əlaqədar müvafiq qurumlar tərəfindən  təhqiqat aparılır.