Bakıda “Jiquli” ana və azyaşlı oğlunu vurdu

Bakıda "Vaz 21011" markalı avtomobil gənc ana və azyaşlı uşağını vurub. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə avqustun 23-də saat 19.45 radələrində Bakının Nizami rayonu ərazisində baş verib. Mingəçevir şəhər sakini Yaməddin Musayev "VAZ-21011" markalı avtomaşını idarə edərkən yolu keçən Bakı şəhər sakinləri Könül Mirişova və onun oğlu 8 yaşlı Damədi vurub. Nəticədə K.Mirişova aldığı xəsarətdən hadisə yerində ölüb, uşaq isə xəstəxanaya yerləşdirilib, vəziyyəti qənaətbəxşdir.