Bakıda maşın oğurlayan azyaşlılardan ibarət mütəşəkkil dəstə tutuldu

Bakıda avtomobil oğurluğu ilə məşğul olan azyaşlılardan ibarət dəstə yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, sentyabrın 28-nə keçən gecə Xəzər rayonu Binə qəsəbəsindən qəsəbə sakini Maksim Məmmədova məxsus "VAZ-2101" markalı avtomobil qaçırılıb. Xəzər RPİ 2-ci PB əməkdaşlarının keçirdikləri əməliyyat-axtarış tədbirləri nəticəsində avtomobili qaçırmış qəsəbə sakinləri 16 yaşlı 3 oğlan (R.Z, X.S və X.İ) tutulub. R.Z-nın ətrafında aparılmış əməliyyat tədbirləri ilə onun Bakı şəhər sakini, 15 yaşlı oğlan (Q.Q) ilə birgə sentyabrın 8-də Arif Əliyevə məxsus "Saipa" markalı avtomobili qaçırması da müəyyən edilib və o da saxlanılıb. Xəzər RPİ tərəfindən araşdırma aparılır.