DİN Göyçaydakı dəhşətli qəza barədə məlumat yaydı

Daxili İşlər Nazirliyi Göyçayda toy karvanında baş verən dəhşətli qəza barədə məlumat yayıb. "OLAYLAR"ın nazirliyin saytına istinadən yaydığı məlumata görə, sentyabrın 29-da saat 12 radələrində İsmayıllı rayonunun Qubaxəlilli kəndində Ağsu rayon sakini Davud Məmmədovun idarə etdiyi "Mercedes" və Göyçay rayon sakini Bəxtiyar Əsgərovun idarə etdiyi "Mitsubishi" markalı avtomobillər toqquşub. D.Məmmədov və sərnişinlərindən - arvadı Jalə, qızı Gülay, azyaşlı nəvəsi Mələk, Ağsu şəhər sakinləri Günel Məhərrəmli, Ramiz, habelə B.Əsgərovun sərnişinləri - atası Firudin, anası Lumu, arvadı Nahidə hadisə yerində ölmüş, özü və D.Məmmədovun digər sərnişini Sevinc Mirzəyeva xəstəxanaya yerləşdiriliblər. BDYPİ tərəfindən araşdırma aparılır.