Binəqədidə şadlıq evi yandı

Bakıda şadlıq evində yanğın hadisəsi baş verib. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə,  Binəqədi rayonunda vətəndaşa məxsus üçmərtəbəli şadlıq evinin 2-ci mərtəbəsinin mətbəxində 1 ədəd plafon yanıb və yüksək temperaturdan lambirdən ibarət tavan 0,5 kv.m sahədə qarsalanıb. Şadlıq evinin qalan hissəsi yanğından mühafizə olunub. Yanğın saat 05:25-də yanğınsöndürənlər tərəfindən söndürülüb.