Bakıda keçmiş məhbus qətl törətdi

Bakıda keçmiş məhbus qətl törədib. Bu barədə Binəqədi rayon Prokurorluğundan məlumat veriblər. Hadisə rayonun Biləcəri qəsəbəsində qeydə alınıb. Bakı şəhər sakini, sabiq məhkum Mehman Mirzəyevlə tanışı, 38 yaşlı Elxan Piri oğlu İbadov arasında mübahisə yaranıb. Mübahisəni həll etmək üçün Elxan İbadovun yaşadığı mənzilə gələn Mehman Mirzəyev onu yaşadığı evin qarşısında bıçaqlayıb. Elxan İbadov aldığı çoxsaylı bıçaq xəsarətlərindən hadisə yerində keçinib. Hadisəni törədən Mehman  Mirzəyev saxlanılıb istintaqa təhvil verilib. Məlumata görə, qatil və qətlə yetirilən şəxs  məhkumluq həyatı yaşayıb və avqust ayında azadlığa buraxılıblar. Faktla bağlı cinayət işi başlanıb, istintaq gedir.