Salyanda narkotika əkib-becərən şəxs ələ keçdi

Salyanda narkotika alveri ilə məşğul olan şəxs yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Salyan RPŞ əməkdaşlarının keçirdikləri əməliyyat-axtarış tədbirləri nəticəsində rayon sakini, əvvəllər məhkum olunmuş Elşən Salahovun evindən 52,56 qram tiryək, 3,79 qram həşiş, habelə həyətindəki yardımçı otaqdan 2 kiloqram 12,4 qram marixuana və kultivasiya yolu ilə yetişdirilmiş 2 ədəd çətənə kolu aşkar edilərək götürülüb.