Gəncədə azyaşlılardan ibarət mütəşəkkil dəstə yaxalandı

Gəncədə oğurluqla məşğul olan azyaşlılar yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Nizami (Gəncə) RPİ əməkdaşlarının keçirdikləri əməliyyat-axtarış tədbirləri nəticəsində sentyabrın 4-də Elçin İsmayılova məxsus aptekdən 1100 manat oğurlamış Gəncə şəhər sakinləri Aleksandr Korolenko və 14 yaşlı iki oğlan (P.N və R.A) tutulub.