Bakıda tikintidə işləyən fəhlənin başına dəmir parçası düşərək ölüb

Bakının Nərimanov rayonu ərazisində yeni tikilməkdə olan binada ölüm faktı baş verib. Daxili İşlər Nazirliyinin (DİN) mətbuat xidmətindən Trend-ə verilən məlumata görə, sentyabrın 6-da Nərimanov rayonu Təbriz küçəsində yeni tikilməkdə olan binadan orada işləyən Ağdam rayon sakini Ruslan Həsənovun başına dəmir parçası düşüb. Fəhlə R.Həsənov hadisə yerində ölüb.
Faktla bağlı araşdırma aparılır.