Hazırlıqdan gələn məktəbli xəstəxanalıq oldu

Şəkidə 16 yaşlı qızı maşın vurub

Şəkidə orta məktəb şagirdini maşın vurub. ANS PRESS-in bölgə müxbirinin verdiyi məlumata görə, rayon Mərkəzi Xəstəxanasının qarşısında 1954-cü il təvəllüdlü Güləhməd İsrafil oğlu Məhərrəmli idarə etdiyi "VAZ 2106" markalı, 10 EX 549 dövlət nömrə nişanlı maşınla piyadanı vurub. Qəza nəticəsində 1998-ci il təvəllüdlü Nailə Sakit qızı İsmayılova ağır yaralanıb. Onu xəstəxanaya yerləşdiriblər. Hadisə məktəblinin avtobusdan düşərək yolu keçmək istədiyi zaman baş verib. Nailə müəllim yanından hazırlıqdan gəlirmiş. Faktla bağlı araşdırma aparılır.