Məhbus həbsxanada arvadını qətlə yetirdi

Volqoqradda məhbus həbsxanada qətl hadisəsi törədib. "OLAYLAR"ın Rusiya mətbuatına istinaən verdiyi məlumata görə, hadisə məhbusların görüş otağında baş verib. Həbsxanada cəza çəkən məhbus görüş zamanı arvadını qətlə yetirib. Məlumata görə, məhbusla görüşə gələn həyat yoldaşı ondan ayrılmaq istədiyini bildirib və bir daha onunla görüşə gəlməyəcəyini deyib. Ərlə arvad arasında mübahisə yaranıb və ər arvadı boğub öldürüb. Hadisə ilə bağlı məhbus barədə yenidən cinayət işi başlanıb, araşdırmalar aparılır.