Səhmdar Cəmiyyətin əmlakı yanıb

Bakı şəhəri, Yasamal rayonunda vətəndaşa məxsus səhmdar cəmiyyətin ərazisində yanğın baş verib. Fövqəladə Hallar Nazirliyindən "Olaylar"a verilən məlumata görə, nəticədə ümumi sahəsi 830 kv.m 13 otaqdan ibarət olan tikilinin 3 otağının və dam örtüyünün yanar konstruksiyaları 200 kv.m yanıb. Otaqların içərisinə yığılmış müxtəlif növ mühərrik və havatəmizləyici qurğular olub. Binanın qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.