“Mersedes” metal çəpərə çırpılıb

Bir nəfər ölüb, biri yaralanıb

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Suraxanı rayonunda "Mercedes" markalı minik avtomobili idarəetməni itirərək yol ayrıcı metal çəpər konstruksiyasına çırpılıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, bir nəfər xəsarət almış və bir nəfər hadisə yerində vəfat edərək avtomobildə sıxılmış vəziyyətdə qalıb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaralını və cəsədi avtomobildən çıxarıb və aidiyyəti üzrə təhvil veriblər.