Sirkə turşusu ilə həyatlarına son verənlər

Bu ilin may ayından indiyə kimi 3 nəfər sirkə turşusu içərək həyatına son verib. Kliniki Tibbi Mərkəzin Toksikologiya şöbəsinin rəhbəri Azər Maqsudov "OLAYLAR"a bildirdi ki, iyul-avqust aylarında sirkə turşusu içdiyinə görə mərkəzə 6 nəfər müraciət edib. Onlardan biri avqustun 18-də dünyasını dəyişib. Sirkə turşusundan dünyasını dəyişən 38 yaşlı kişi olub. A.Maqsudov bildirdi ki, nə həkimlər, nə də ailəsi onun bu addımı niyə atdığını bilmirlər. Hazırda iş prokurorluqdadır.