Bakıda istirahət mərkəzində cinayət

Basqın zamanı paltar dəyişmə otağında 340 manat oğurlanıb

Bakının Xəzər rayonu ərazisində, Mərdəkan qəsəbəsində yerləşən istirahət mərkəzlərinin birində cinayət baş verib. Bakı şəhər Baş Polis İdarəsindən ANS PRESS-ə verilən məlumata görə, istirahət mərkəzinin paltardəyişmə otağından oğurluq olub. Paltar dəyişmə otağında Həsən Babayevin əl çantasından 340 manat oğurlanıb. Məlumat daxil olan kimi Xəzər rayon Polis İdarəsi 1-ci polis bölməsinin əməkdaşları əməliyyat keçirib. Keçirilmiş əməliyyat tədbirləri nəticəsində oğurluqda şübhəli bilinən Rüfət Kazımzadə tutulub. Faktla bağlı araşdırma aparılır.