Şəkidə oğurlanıb sökülən “KAMAZ”ın nömrəsi Bakıda tapıldı

Bakıda saxta dövlət nömrəsi ilə işləyən "KAMAZ" aşkarlanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, bu il yanvarın 29-da Bakı şəhər sakini Eşqin Həsənova məxsus qaçırılmış "KamAZ" markalı avtomobilin Şəki şəhərinin ərazisində hissələrə bölünməsi müəyyən edilib, lakin avtomobilin dövlət qeydiyyat nişanları tapılmayıb. Avqustun 7-də qeyd edilən dövlət qeydiyyat nişanları üzərinə taxılmış "KamAZ" markalı avtomobil Nərimanov rayonu Z.Bünyadov prospektində hərəkətdə olarkən DİN-in Təhlükəsiz Şəhər Xidmətinin əməkdaşları tərəfindən aşkar edilib və görülmüş tədbirlər nəticəsində Çevik Polis Alayının əməkdaşları tərəfindən saxlanılıb.