Göygöldə iki qardaş ata və oğlunu döydü

Göygöldə iki nəfərin xəsarət alması ilə nəticələnən dava olub. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, avqustun 1-də Göygöl şəhər sakini Elbrus Bayramov RPŞ-yə ərizə ilə müraciət edərək həmin gün şəhərin ərazisində özünün və oğlu Elnurun naməlum şəxslər tərəfindən döyülməsini bildirib. Göygöl RPŞ əməkdaşlarının keçirdikləri əməliyyat-axtarış tədbirləri nəticəsində hadisəni törətmiş şəhər sakini Anar Məmmədov tutulub, qardaşı İlqar isə müəyyən edilib.