Bakı İstintaq Təcridxanasında ölüm hadisəsi

Bu gün Penitensiar Xidmətin Kürdəxanı qəsəbəsində yerləşən Bakı İstintaq Təcridxanasında ölüm hadisəsi baş verib.  Lent.az-ın məlumatına görə, səhər saatlarında təcridxanada saxlanılan məhbuslardan birinin meyiti tapılıb. Dərhal aidiyatı üzrə hüquq-mühafizə orqanlarına müraciət edilib. Təcridxanaya polis və prokurorluq işçiləri gedib.  Penitensiar Xidmətlə əlaqə saxlayaraq ölən məhbusun adını öyrənmək istəsək də, idarədən bu cür hadisələrə şərh verilmədiyi bildirilib. Təcridxanadan da ölən məhbusun adını deməkdən imtina ediblər.