Külli miqdarda narkotik vasitə tapıldı

Zaqatalada 1 ton 200 kiloqram çətənə məhv edilib

Zaqatalada külli miqdarda narkotik vasitə aşkar edilib. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, əməliyyat Zaqatala rayon polis şöbəsi və Dövlət Sərhəd Xidməti əməkdaşları tərəfindən keçirilib. Keçirilən əməliyyat zamanı Danaçı kəndi ərazisindən çəkisi 1 ton 200 kiloqram olan 1500 ədəd çətənə kolu aşkar edilib. Aşkar olunan narkotik vasitə yandırılaraq məhv edilib. Faktla bağlı araşdırma aparılır.