Kanalda batmış 12 yaşlı uşağın meyiti tapılıb

İmişli rayonunda kanalda batmış şəxsin meyiti tapılıb. Fövqəladə Hallar Nazirliyinin Dövlət Sularda Xilasetmə Xidmətinə daxil olmuş məlumata əsasən, Su kanalının İmişli rayonunun, Cəfərli kəndi ərazisindən keçən hissəsində batmış 2002-ci il təvəllüdlü Tamerlan Ramin oğlu Şirinovun axtarışları başa çatıb. T. Şirinovun meyiti Fövqəladə Hallar Nazirliyinin dalğıc-xilasediciləri tərəfindən batdığı yerdən, təxminən, 12 km aralıda tapılaraq sudan çıxarılıb və aidiyyəti üzrə təhvil verilib.