Gəncədə keçmiş məhkumun həyətindən 251 kilo narkotika aşkarlandı

Gəncədə narkotika alverçisinin həyətindən narkotika sahəsi aşkar edilib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Gəncə Şəhər Baş Polis İdarəsi əməkdaşlarının keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Namiq Musayevin kirayədə yaşadığı evin həyətyanı sahəsində kultivasiya yolu ilə yetişdirilmiş, çəkisi 251 kq olan 502 ədəd çətənə kolu aşkar edilərək götürülüb.