Sumqayıtda kriminal avtoritet silahla tutuldu

 Sumqayıt polisi şəhərdə silah və qumbara ilə gəzən narkotika alverçisini yaxalayıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Sumqayıt ŞPİ əməkdaşlarının keçirdikləri əməliyyat-axtarış tədbirləri nəticəsində şəhər sakini Tural Məmmədovun idarə etdiyi "Mersedes" markalı avtomobilə baxış zamanı 10,48  qram həşiş, 1 ədəd qumbara, 1 ədəd nömrəsi silinmiş, lüləsi və qundağı kəsilmiş tüfəng və 2 ədəd patron aşkar edilərək götürülüb. "OLAYLAR"ın məlumatına görə, Tural Məmmədov kriminal aləmlə əlaqəli şəxsdir.