Liftdə qalan şəxs xilas edilib

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Nərimanov rayonunda doqquzmərtəbəli yaşayış binasının liftində 1 nəfər köməksiz vəziyyətdə qalıb. "Olaylar"ın nazirliyin rəsmi saytına istinadən verdiyi məlumata görə, dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub.  Hadisə yerində əməliyyat şəraiti qiymətləndirilərkən məlum olub  ki, lift texniki nasazlıq səbəbindən 7-ci və 8-ci mərtəbələr arasında dayanıb.  Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə lifti 9-cu mərtəbəyə qaldıb  və qapılarını açaraq vətəndaşın liftdən çıxmasına şərait yaradıblar.