Moskvada azərbaycanlılardan ibarət cinayətkar dəstə saxlanıldı
Onlar fırıldaqçılıqda ittiham olunurlar
Moskva polisi fırıldaqçılıqda ittiham olunan azərbaycanlılardan ibarət cinayətkar qruplaşmanı ələ keçirib. Söhbət iri miqyaslı fırıldaqçılıqdan gedir. Belə ki, qruplaşmanın üzvlərindən biri evində mətbəə açıb. Aparılan axtarışlar zamanı yüzlərlə saxta sürücülük vəziqəsi və müxtəlif ərizə formalı sənədlər tapılıb. Poloslər dələduzların fəaliyyət göstərdiyi 3 ofisdən mindən çox möhür və saxta sənədlər aşkarlayıblar. Onların dələduzluq məharəti və əhatə dairəsi hüquq-mühafizə orqanlarını belə təəccübləndirib. Cinayətkar qrup öz müştərilərini internetdə də axtarıb, hətta internetdə də reklam yerləşdiriblər. Saxlanılan 7 nəfərin hamısı azərbaycanlılar olub. Onların bəziləri Rusiya vətəndaşıdırlar. Saxlanılanlardan biri polisin suallarını cavablandırmaq əvəzinə göz yaşları töküb. Anspress