Konfetin içərisindən tiryək çıxdı

Ədliyyə Nazirliyinin Penitensiar Xidmət əməkdaşları tərəfindən həyata keçirilmiş əməliyyat-axtarış tədbirləri nəticəsində 3 saylı İstintaq təcridxanasında saxlanılan, Cinayət Məcəlləsinin 181.2.5, 120.2.11 maddələrinə əsasən həbs edilmiş şəxs Elvin Əlisafa oğlu Babayevə tanışları vətəndaş Şəmsəddin Dilavəddin oğlu Babayev və vətəndaş Fərid Hidayət oğlu Mustafayevin gətirdikləri sovqata baxış keçirilib. Penitensiar Xidmətin İctimaiyyətlə əlaqələr şöbəsindən "OLAYLAR"a verilən məlumata görə, baxış zamanı   konfetlərin içərisinə xüsusi üsulla yerləşdirilmiş xalis çəkisi 5.460 qram olan narkotik vasitə "tiryək" aşkar edilərək götürülüb. Fakt üzrə araşdırma aparılır.