Bakıda ər-arvadı maşın vurdu

Ötən gün Bakıda piyadaların ölümü ilə nəticələnən yol qəzası baş verib.  Bakı Şəhər Baş Polis İdarəsindən verilən məlumata görə, Binəqədi rayonu Azadlıq prospektində Bakı şəhər sakinləri - 1955-ci il təvəllüdlü Arif Yusifov idarə etdiyi "Volvo" markalı avtomobillə 1937-ci il təvəllüdlü Telman Nəcəfovu və arvadı 1942-ci il təvəllüdlü Ziba Nəcəfovanı vurub.

Qəza nəticəsində T.Nəcəfov hadisə yerində ölüb. Z.Nəcəfova isə Travmatologiya İnstitutuna yerləşdirilib. Lakin həkimlər qadının həyatını xilas edə bilməyib.

Faktla bağlı cinayət işi başlanıb, araşdırma aparılır.