4 nəfər xilas edilib

Fövqəladə Hallar Nazirliyinin Cənub Regional Mərkəzinə daxil olmuş məlumata əsasən, Lənkəran rayonu, Digah kəndində giriş qapısının təsadüfən kilidlənməsi nəticəsində 4 nəfər vətəndaş mənzildə köməksiz vəziyyətdə qalıb. Fövqəladə Hallar Nazirliyinin müvafiq xilasetmə qüvvələri dərhal hadisə yerinə cəlb olunub. Xilasedicilər təhlükəsizlik qaydalarına riayət etməklə birmərtəbəli fərdi yaşayış evinin giriş qapısını xüsusi alət və avadanlıqlar vasitəsilə açıblar.