Şamaxıda mülk üstündə silahlı qarşıdurma, qardaş qardaşını qətlə yetirdi

 Şamaxıda mülk üstündə mübahisə silahlı qətllə nəticələnib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, mayın 29-da Şamaxı rayonunun Mərzəndiyə kəndindəki evində Firuz Şahməmmədovla qonaqları, Rusiya Federasiyasının vətəndaşları, qardaşı Mais və  onun oğlu Heybət arasında əmlak bölgüsü ilə əlaqədar münaqişə baş verib. F.Şahməmmədov tapançadan atəş açaraq Heybətə ayaq nahiyəsindən xəsarət yetirmiş, silahı Firuzdan almış qardaşı Mais isə atəş açaraq onu qətlə yetirib.

Şamaxı RPŞ əməkdaşlarının keçirdikləri əməliyyat-axtarış tədbirləri nəticəsində M.Şahməmmədov tutulub, ondan "Naqan" tipli tapança götürülüb.