Xızı qazpaylama stansiyasında baş vermiş bədbəxt hadisənin səbəbləri araşdırılır

Mayın 29-da saat 12-30 radələrində Qaz İxrac İdarəsinin Siyəzən magistral qaz kəmərləri sahəsində yeraltı qaz kəmərlərinin təmiri və istismarı üzrə çilingər işləyən 1980-ci il təvəllüdlü Elnur Fətulla oğlu Ağayev Xızı qazpaylama stansiyasında qaz kəmərinin üzərindəki toztutucuya xidmət göstərən zaman baş vermiş bədbəxt hadisə nəticəsində dünyasını dəyişib. "OLAYLAR"-ın ARDNŞ-ə istinadən verdiyi xəbərə görə, baş vermiş hadisə ilə bağlı müvafiq komissiya yaradılıb. Hadisənin baş vermə şəraiti və səbəbləri araşdırılır. Komissiyanın yekun rəyi ictimaiyyətə açıqlanacaq.