Xeyli sayda soyuq silah aşkarlanıb

Antalya-Bakı aviareysi ilə gələn Azərbaycan Respublikasının vətəndaşı Mahir Rəfili gömrük nəzarətindən "yaşıl kanalla" keçərkən hərəkətləri şübhə doğurduğu üçün Hava Nəqliyyatında Baş Gömrük İdarəsinin əməkdaşı tərəfindən saxlanılaraq şifahi qaydada sorğu-sual edilib və onun yüklərinə qanunvericiliyə uyğun olaraq gömrük baxışı keçirilib. DGK mətbuat xidmətindən verilən məlumata görə, bu zaman M.Rəfiliyə məxsus karton qutunun içərisindən gömrük nəzarətinə təqdim olunmayan, gömrük baxışından əvvəl nə yazılı, nə şifahi, nə də elektron formada bəyan edilən - 9 ədəd "beşbarmaq", 4 ədəd metal dəyənək, 4 ədəd elektroşoker, 2 ədəd gözyaşardıcı qaz balonu və 1 ədəd qatlanan bıçaq aşkar edilib.