DİN Sumqayıtdakı qətllə bağlı məlumat yaydı

Daxili İşlər Nazirliyi Sumqayıtda baş verən qətl hadisəsi ilə bağlı məlumat yayıb. "OLAYLAR"ın nazirliyin saytına istinadən yaydığı məlumata görə, mayın 4-də Sumqayıt şəhəri 6-cı mikrorayonun ərazisində şəxsiyyəti məlum olmayan şəxs Ucar rayon sakini Bəhram Məmmədova bıçaqla bud nahiyəsindən xəsarət yetirib.

Xəstəxanaya yerləşdirilmiş B.Məmmədov qanaxmadan ölüb. Sumqayıt ŞPİ 3-cü PB əməkdaşlarının keçirdikləri əməliyyat-axtarış tədbirləri nəticəsində hadisəni münaqişə zəminində törətmiş şəhər sakini Pərvin Əhmədov tutulub.