Azərbaycan Beynəlxalq Bankının Gəncə filialında oğurluq

Gəncədə Azərbaycan Beynəlxalq Bankının filialı qarət edilib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Nizami (Gəncə) RPİ əməkdaşlarının keçirdikləri əməliyyat-axtarış tədbirləri nəticəsində Allahverdi Tağıyevə məxsus mağazadan ərzaq məhsulları, Kibar Cəfərquliyevə məxsus aptekdən 450 manat oğurlamış, habelə "Beynəlxalq Bank"ın Gəncə filialının Gülüstan şöbəsindən oğurluğa cəhd göstərmiş Gəncə şəhər sakinləri Hüseyn Nəcəfov və qardaşı Samir tutulublar.