Ağsuda quldur dəstəsi qadını döyüb evini qarət etdi

Ağsu rayonunda qadın döyülərək qarət edilib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Ağsu RPŞ əməkdaşlarının keçirdikləri əməliyyat-axtarış tədbirləri nəticəsində aprelin 27-də quldurluq yolu ilə Gülxarə Hüseynovanın evinə girib, onu küt alətlə döyərək oradan 2870 manat dəyərində qızıl əşyalar və 1 ədəd mobil telefon aparmış Bərdə rayon sakinləri Emin Həsənov, Elmir Zülfəliyev və Ağsu rayon sakini Orxan Həsənov tutulublar.