Nazirin qardaşı və polkovnik dəhşətli qəzada öldü

Naxçıvan Muxtar Respublikasının Şərur rayonunda baş vermiş dəhşətli yol qəzası zamanı həlak olan Dövlət Sərhəd Xidmətinin əməkdaşının adı məlum olub. Lent.az-ın əldə etdiyi məlumata görə, Pusyan kəndi yaxınlığında avtomobilin aşması nəticəsində Naxçıvan MR-in daxili işlər naziri Əhməd Əhmədovun qardaşı Abbas Əhmədovla birgə DSX-nın Şərur postunun komendantı, polkovnik Nemət Mahmudov da həlak olub. Onun cənazəsi bu gün səhər saatlarında təyyarə ilə Bakıya yola salınıb. Bu gün həmçinin Abbas Əhmədov da Naxçıvanda dəfn ediləcək.