Azərbaycanda iki nəfər zəhərlənib öldü

Azərbaycanda iki nəfər zəhərlənmədən ölüb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, aprelin 6-da Bakı şəhər sakini Hüseyn Quliyev dərmandan zəhərlənmə ilə xəstəxanaya yerləşdirilib və aprelin 7-də orada ölüb. Həmin gün Bakı şəhər sakini Fərqanə Abdullayeva evində dəm qazından zəhərlənərək ölüb. Aprelin 7-də Sumqayıt şəhər sakinləri Elvin Abdullayev, Aygün Gərayeva, Samux rayon sakini Nuridə Sadıqova dəm qazından, Abşeron rayonu Masazır qəsəbə sakini Aynurə Ağayeva dərmandan zəhərlənmələrlə xəstəxanalara gətiriliblər.