Məhkuma protez dişinin altında tiryək keçirmək istədi

Ədliyyə Nazirliyinin Penitensiar xidmət əməkdaşları tərəfindən həyata keçirilmiş əməliyyat-axtarış tədbirləri nəticəsində 11 saylı cəzaçəkmə müəssisəsində cəza çəkən, Cinayət Məcəlləsinin 317.2.1 maddəsinə əsasən azadlıqdan məhrum edilmiş məhkum Anar Kərim oğlu Hüseynovun yanına qısamüddətli görüşə gəlmiş əmisi arvadı Nadejda Pavlovna Həmzəyevanın üzərinə baxış keçirilib. Penitensiar xidmətin İctimaiyyətlə əlaqələr şöbəsindən "OLAYLAR"a verilən məlumata görə, baxış zamanı onun ağız boşluğundakı protez dişin altında 2 ədəd sellofana bükülü, xalis çəkisi 1,344 qram olan narkotik maddə - "Tiryək" aşkar edilərək götürülüb. Faktlar üzrə araşdırma aparılır.