Elnur Aslanovla bağlı Ağır Cinayətlərə dair İstintaq İdarəsində cinayət işi qaldırılıb

Elnur Aslanovla bağlı Ağır Cinayətlərə dair İstintaq İdarəsində cinayət işi qaldırılıb.  Milli.Az xəbər verir ki, bu barədə axar.az-a etibarlı mənbələrdən məlumat daxil olub. Mənbə Elnur Aslanovun artıq telefonlara cavab vermədiyini deyib. Onun, həmçinin "camaat" liderlərinə canlarını qurtarmaqla bağlı xəbər göndərdiyi də bildirilib. O, E.Aslanovun həmin liderlərə 30 martdan sonra çoxunun maliyyə fırıldağı ilə həbs olunacağı ilə bağlı məlumat göndərdiyini də qeyd edib. Mənbə onunla bağlı artıq Ağır Cinayətlərə dair İstintaq İdarəsində gizli cinayət işinin də açıldığını vurğulayıb. Hətta Fətullah Gülən camaatının dini, biznes, təhsil və bütün fəaliyyətlərinin araşdırıldığı söylənilib. Məlumatda araşdırmanın artıq bir aya yaxındır davam etdiyi, araşdırmaların xüsusilə xaricdə təhsil alan gənclərlə bağlı (ASAİF və s.) müxtəlif tədbirlərin təşkilindəki maliyyə məsələlərini əhatə etdiyi bildirilir.

Baş Prokurorluğun mətbuat katibi Eldar Sultanov bildirdi ki, onda bununla bağlı hər hansı məlumat yoxdur.