Mənzildə huşsuz qalmış şəxs xilas edilib

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Sabunçu rayonunda mənzildə bağlı qapı arxasında 1 nəfər köməksiz vəziyyətdə qalıb. Fövqəladə Hallar Nazirliyindən "Olaylar"a verilən məlumata görə, dərhal müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, həmin şəxs giriş qapısının dəfələrlə döyülməsinə və telefon zənglərinə reaksiya vermir. Xilasedicilər təhlükəsizlik qaydalarına riayət etməklə, birmərtəbəli fərdi yaşayış evinin otağının pəncərəsinin dəmir barmaqlıqlarını kəsərək, içəri daxil olublar. Mənzilə baxış keçirilərkən zərərçəkmiş huşsuz vəziyyətdə aşkarlanaraq, aidiyyəti üzrə təhvil verilib.