Xədicə İsmayilova növbəti dəfə ifadə verdi VIDEO

Araşdırmaçı-jurnalist Baş Prokurorluğun ağır cinayətlərə dair işlər üzrə istintaq idarəsinə çağırılıb

Araşdırmaçı-jurnalist Xədicə İsmayilova ifadə verməsi üçün növbəti dəfə Baş Prokurorluğun ağır cinayətlərə dair işlər üzrə istintaq idarəsinə çağırılıb.
Jurnalistin şəxsi kompüterinə və e-mail ünvanına baxış keçiriləcək. Xədicə İsmayilova fevralın 17-də sosial şəbəkədə milli təhlükəsizlik nazirliyinin xidməti fəaliyyətinə aid olduğu ehtimal edilən sənəd yerləşdirib.
Onun e-mail ünvanına baxış keçirilməsində məqsəd həmin sənədin kim tərəfindən ötürüldüyünü müəyyənləşdirməkdir. Faktla bağlı cinayət məcəlləsinin dövlət sirrini yayma maddəsi ilə cinayət işi başlanıb.