Bakıda maşın mağazaya girdi: 10 yaşlı uşaq öldü

Ağır yol qəzasında sürücü də daxil olmaqla 3 nəfər yaralanıb

Ötən gün günorta saatlarında Bakının Sabunçu rayonu, Pirşağı qəsəbəsində ölümlə nəticələnən ağır yol qəzası baş verib.

Sabunçu rayon Polis İdarəsi 15-ci polis bölməsindən ANS PRESS-ə verilən məlumata görə, yüksək sürətlə hərəkət edən "VAZ 21-06" markalı avtomobil dönmə əməliyyatını düzgün yerinə yetirməyərək qəzaya uğrayıb.

Avtomobil mağazaya çırpılıb. Nəticədə sürücü 1980-cı il təvəllüdlü Elxan Məmmədov, onun sərnişinləri 2004-cü il təvəllüdlü Əlövsət Nadir oğlu Allahverdiyev, 12 yaşlı Vasif Bayramov və Ayxan Naibov ağır yaralanıblar. Yaralıalr xəstəxanaya çatdırılıb. Lakin həkimlər 10 yaşlı oğlanın həyatını xilas edə bilməyiblər.