Türkiyə vətəndaşı Bakı həbsxanasını “danışıq məntəqəsinə” çeviribmiş

Bakı həbsxanasında cəza çəkən Türkiyə vətəndaşından telefon, nömrə və danışıq kartları tapılıb

Ədliyyə Nazirliyi Penitensiar xidmətin Baş İdarəsinin və 15 saylı cəzaçəkmə müəssisəsinin əməliyyat aparatları tərəfindən müəssisədə mobil telefon aparatı aşkar olunaraq götürülüb. Penitensiar xidmətin ictimaiyyətlə əlaqələr şöbəsindən ANS PRESS-ə verilən məlumata görə, həyata keçirilmiş əməliyyat-axtarış tədbirləri nəticəsində 15 saylı cəzaçəkmə müəssisəsində cəza çəkən, 1965-ci il təvəllüdlü, Cinayət Məcəlləsinin 317-2.2 və 67 maddələri ilə təqsirli bilinərək, 5 il müddətinə azadlıqdan məhrum edilmiş məhkum Şahin Mehmet Salahəddinin iş yerinə baxış keçirilən zaman kətildə düzəldilmiş gizli saxlanc yerindən 1 ədəd "Nokia" markalı mobil telefon aparatı və 2 ədəd GSM danışıq kartları aşkar edilərək götürülüb.