“KamAZ” 6 avtomobili əzdi

Sumqayıtda yük maşını ağır qəza törədib. Sumqayıt Şəhər Polis İdarəsindən APA-ya verilən məlumata görə, hadisə bu gün səhər saatlarında şəhər ərazisində yerləşən Sumqayıt Texnologiyalar Parkında yerləşən kabel zavodunun qarşısında qeydə alınıb.

"KamAZ" markalı yük avtomobili idarə etməni itirərək zavodun dayanacağında olan 6 avtomobili əzib. Hadisə nəticəsində xəsarət alan olmasa da, avtomobillərə ciddi ziyan dəyib.
Faktla bağlı Sumqayıt Şəhər Polis İdarəsində araşdırma aparılır.