Məhkumun kamerasından telefon çıxdı

Ədliyyə Nazirliyinin Penitensiar xidmətinin və Qobustan həbsxanasının əməliyyat aparatları tərəfindən müəssisədə mobil telefon aşkar edilərək götürülmüşdür. Penitensiar xidmətin İctimaiyyətlə əlaqələr şöbəsindən "OLAYLAR"a verilən məlumata görə, həyata keçirilmiş əməliyyat-axtarış tədbirləri nəticəsində Qobustan həbsxanasında saxlanılan 1987-ci il təvəllüdlü, Bakı Ağır cinayətlər məhkəməsinin 13.10.2011-ci il tarixli qərarına əsasən, Azərbaycan Respublikası Cinayət Məcəlləsinin 170.1; 221.2.1; 228.4 və 66.3 maddələri ilə təqsirli bilinərək 13 il müddətinə azadlıqdan məhrumetmə cəzasına məhkum edilmiş Rasim Asif oğlu Mirzəyevin kamerasına və üzərinə baxış keçirilib. Baxış zamanı, kamerasının döşəməsində düzəldilmiş gizli saxlanc yerindən 1 (bir) ədəd "Nokia" markalı mobil telefon aparatı aşkar edilərək götürülüb.Fakt üzrə araşdırma aparılır.