Bakıda ər 28 yaşlı arvadını qanına qəltan elədi

Bakıda daha bir ailədaxili münaqişə qanlı hadisə ilə nəticələnib. Binəqədi rayon Polis İdarəsindən  verilən məlumata görə, Biləcəri qəsəbəsi yeni yaşayış massivində yaşayan 1979-cu il təvəllüdlü Məmmədov Azər Hümmət oğlu həyat yoldaşı, 1985-ci il təvəllüdlü Məmmədova Alimə Yolçu qızına çoxsaylı bıçaq zərbələri endirib. Döş qəfəsi, çiyin, bel və əl nahiyələrindən çoxsaylı xəsarətlər almış qadın Kliniki Tibbi Mərkəzə yerləşdirilib. Qadının vəziyyətinin ağır olduğu bildirilir.

A.Məmmədovun həyat yoldaşını hansı səbəbdən öldürmək istədiyi araşdırılır. Faktla bağlı cinayət işi açılıb. lent.az