Məhkumum alt paltarından marixuana çıxdı

Penitensiar xidmətin əməliyyat aparatları tərəfindən müəssisədə qadağan edilmiş əşyaların aşkar olunması istiqamətində tədbirlər davam etdirilir. Penitensiar xidmətin İctimaiyyətlə əlaqələr şöbəsindən "Olaylar"a verilən məlumata görə, həyata keçirilmiş əməliyyat-axtarış tədbirləri nəticəsində Bakı İstintaq təcridxanasında saxlanılan 1982-ci il təvəllüdlü, Azərbaycan Respublikası Cinayət Məcəlləsinin 206.3.2; 234.4.1 və 234.4.3 maddələri ilə təqsirli bilinərək həbs edilmiş şəxs Anar Nurəli oğlu Məmmədovun əşyalarına və üzərinə baxış keçirilib. Baxış zamanı onun alt paltarının içində gizlədilmiş şəffaf sellofana bükülmüş narkotik maddə - "Marixuana" aşkar edilərək götürülüb. Fakt üzrə araşdırma aparılır.