Ev yandı: ailənin 4 üzvü xəstəxanalıq oldu

Dekabrın 14-ü saat 09 radələrində Abşeron rayonunda 4 nəfərin xəsarət alması ilə nəticələnən yanğın olub. Daxili İşlər Nazirliyinin verdiyi məlumata görə, Digah kəndi Neftçi küçəsində yaşayan Şəfiqə Hacıyevaya məxsus 1 mərtəbəli 2 otaqlı evdə yanğın baş verib. Nəticədə 22 kvadrat metr sahədə evin yanar konstruksiyaları və oradakı əşyalar yanıb.

Yanıq xəsarəti almış Ş.Hacıyeva, qızı Şəmsiyyə, nəvələri Adil və Elvin xəstəxanaya yerləşdirilib. Lent.az