Sumqayıtdakı atışmaya görə iki maddə ilə cinayət işi başlandı

Dekabrın 12-nə keçən gecə Sumqayıt şəhərində baş vermiş silahlı insidentlə bağlı Cinayət Məcəlləsinin iki maddəsi ilə cinayət işi açılıb.Hüquq-mühafizə orqanlarından əldə edilən məlumata görə, atışma faktı ilə bağlı Cinayət Məcəlləsinin 221.3-cü (Xuliqanlıq, silahdan və ya silah qismində istifadə edilən əşyaları tətbiq etməklə) və 228.1-ci (qanunsuz olaraq silah, partlayıcı maddələr və qurğular əldə etmə, saxlama, daşıma və gəzdirmə) maddəsi ilə iş başlanılıb. Hazırda Sumqayıt şəhəri və ətrafında əməliyyat-axtarış tədbirləri həyata keçirilir. Bir neçə nəfərin yaxalandığı bildirilir.
Qeyd edək ki, Sumqayıtdakı silahlı insident radikal dini qruplaşma üzvləri arasında baş verib. Lent.az