Xəzər dənizində rusların gəmisində qəza baş verib

Rusiya Federasiyasına məxsus quru yük gəmisinin mühərrikində texniki nasazlıq yaranıb

Xəzər dənizində Çilov adası yaxınlığında Rusiya Federasiyasına məxsus quru yük gəmisində qəza baş verib. ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, nazirliyin Böhran Vəziyyətlərində İdarəetmə Mərkəzinə daxil olmuş məlumata əsasən, gəminin mühərrikində texniki nasazlıq yaranıb.
Dərhal Fövqəladə Hallar Nazirliyinin Xəzər Hövzə Qəza-xilasetmə Xidmətinin "Qoryaçi" qəza-xilasetmə gəmisi hadisə yerinə cəlb olunub.

Əməliyyatın nəticələri barədə əlavə məlumat veriləcək.