“Azərikimya” İstehsalat Birliyində döyüş sursatı həyəcanı

Fövqəladə Hallar Nazirliyinin "112" qaynar telefon xəttinə Sumqayıt şəhəri, "Azərikimya" İstehsalat Birliyinin "Etilen-Polietilen" zavodunda döyüş sursatının aşkarlanması barədə məlumat daxil olub. Fövqəladə Hallar Nazirliyindən "Olaylar"a verilən məlumata görə, dərhal nazirliyin müvafiq qurumlarının aidiyyəti bölmələri hadisə yerinə cəlb olunmuş və hazırda istifadəyə yararlı vəziyyətdə olan 1 (bir) ədəd "F-1" markalı əl qumbarası müvafiq qaydada mütəxəssislər tərəfindən zərərsizləşdirilib. Xilasedicilər hüquq-mühafizə orqanlarının əməkdaşları ilə birlikdə əraziyə əlavə baxış keçiriblər və başqa şübhəli əşya aşkar etməyiblər.